Біз әлеуметтік желілердеміз

“Зырян” деп соңғы рет жаздық. Бұдан былай Алтай қаласы

Шығыс Қазақстан

“Зырян” деп соңғы рет жаздық. Бұдан былай Алтай қаласы

“Зырян” деп соңғы рет жаздық. Бұдан былай Алтай қаласы

Бір күн бұрын ғана Зырян ауданы мен қаласын Алтай деп атауға негіз болатын Үкімет қаулысына қол қойылды

Зырян ауданы мен қаласы түбегейлі Алтай деп аталатын болды. Бұл туралы Шығыс Қазақстан облысының әкімі Даниал Ахметов өңірлік «Алтай» телеарнасында өткен тікелей эфир барысында мәлімдеді, деп хабарлайды Алтайньюс тілшісі.

«Алтай» арнасындағы жыл жетістіктерін қорытындылаған тікелей эфирде Даниал Ахметов бұдан былай Зырян ауданы мен қаласын Алтай деп атай беруге болатынын атады.

«Зырян ауданында Тұрғысын су электр стансасы салынып жатыр. Енді бұл ауданды Алтай дей берсек те болады» – деді облыс әкімі.

Оның айтуынша, аудан мен қаланың атын ауыстыру туралы Үкіметтің тиісті қаулысы да шыққан.

«Бір күн бұрын ғана Зырян ауданы мен қаласын Алтай деп атауға негіз болатын Үкімет қаулысына қол қойылды. Облыста 8000-ға жуық көше бар. Биыл соның 314-ін жаңаладық» – деді Даниал Ахметов.

Осыдан үш ай бұрын бұл мәселе қоғамдық тыңдауда талқыланып, аудандық мәслихат депутаттары мен жергілікті қоғамдық ұйым мүшелерінің қолдауымен республикалық ономастикалық комиссия қарауына жіберілген болатын.

 

Біз әлеуметтік желілердеміз

Танымал

Пікірлер

Жоғары