Біз әлеуметтік желілердеміз

ШҚО-да ер адам көлігінен шыға алмай көлге батып кетті

Оқиғалар

ШҚО-да ер адам көлігінен шыға алмай көлге батып кетті

Суға батып бара жатқан кезде есік ашылмайды

Семей қаласынан 150 шақырым жерде, Қайнар ауылының маңында оқыс оқиға орын алды. 1959 жылы туған ер адам Атом көлінің жанында тұрып, көлігімен сырғып кетіп, судан шыға алмай, батып кетті.

Судағы ер адамның денесін жергілікті тұрғындар тауып алыпты. Болған оқиғаны полицияға хабарлаған. Полиция қызметкерлеріне Құтқарушы топ көмекке келді. Олар су астынан мәйітті алып шыққан. Осындай оқиға наурыз айында Өскеменде де орын алған екен. Үлбі көпірі тұсына тоқтаған жүргізуші көлігімен суға түсіп кеткен. Ол көлігінен шығып үлгергендіктен, аман қалған. Сондықтан да құтқарушылар көліктерді су жағасына қойған кезде қол тежегішті басып, дөңгелекке тірек қойып қоюды ескертіп жатыр.

ТЖ басқармасынан мәлімдегендей, көлік суға батқан жағдайда салқын қандылық таныту керек. Суға батып бара жатқан кезде есік ашылмайды. Сондықтан да, көлік түгелдей суға толуын күтуге тура келеді. Ол кезде ішкі-сыртқы қысым реттеліп, сыртқа шығуға мүмкіндік туады.

Оқу жалғастыру
Ұқсас мақалалар...

Біз әлеуметтік желілердеміз

Танымал

Пікірлер

Жоғары