Біз әлеуметтік желілердеміз

Ресейде өтіп жатқан форумда болашақтағы университетердің қандай болатыны айтылды

Білім

Ресейде өтіп жатқан форумда болашақтағы университетердің қандай болатыны айтылды

Келешекте қашықтықтан білім беретін виртуалды университеттер болады

Бүгін Ресейдің Челябі қаласында Қазақстан мен Ресей жоғары оқу орындары ректорларының форумы өз жұмысын бастады.

Бұл шара Қазақстан мен Ресейдің ХІV өңіраралық ынтымақтастық форумы аясында өткізілуде. Жиынды Ломоносов атындағы Мəскеу мемлекеттік университетінің ректоры, Ресей ЖОО ректорлары одағының президенті Виктор Садовничий ашты. Ол өз сөзінде Қазақстан мен Ресей бұрынғы бірыңғай білім беру кеңістігін сақтай алғанын атап көрсетті. Мұндай форумдар 2000 жылдан бері өткізіліп келеді. Содан бастап жалпы саны 50-ден астам форум ұйымдастырылған. Қазіргі кезде ММУ АҚШ-тағы Силикон алқабы сияқты алқап жасауды жоспарлап отыр екен, қазір ол үшін Мəскеу маңынан 100 гектар жер телімі бөлінген. Садовничий Қазақстанда да осындай алқаптар жасауға болатынын айтты. Ол, сондай-ақ, болашақта университетердің қандай болатынына тоқталды. Келешекте қашықтықтан білім беретін виртуалды университеттер болады, оларда білім ағылшын тілінде берілетін болады.

Л.Н. Гумилев атындағы ЕҰУ ректоры Ерлан Сыдықов баяндамасында форумның тақырыбы өте өзекті екенін атап айтты – адам капиталы, бəсекеге қабілеттілік. Орал федералды университетінің ректоры Виктор Кокшаров екі ел жас ғалымдарының форумын өткізіп тұру туралы ұсыныс айтты. Жастарға пікір алмасу алаңы керек. Аталмыш университетте бүгінде 1 мың қазақстандық студент білім алуда.

Ержан Әбіш, арнайы Челябинскіден

Оқу жалғастыру
Ұқсас мақалалар...

Біз әлеуметтік желілердеміз

Танымал

Пікірлер

Жоғары