USD 311.59
EUR 349.39
RUB 5.5
РУС ҚАЗ
Соңғы жаңалықтар
Жаңалықтар

    Новостей нет

Өскемен дәріханаларында тегін берілетін дәрілердің жетіспеушілігі байқалса сенім телефонына хабарласыңыз

Өскемен дәріханаларында тегін берілетін дәрілердің жетіспеушілігі байқалса сенім телефонына хабарласыңыз
– Мен гипертониямен ауырамын. Өзімнің бекітілген учаскемде бұрын қажетті дәрілерді тегін алып тұратынмын. Өткен жылдың басынан бастап, аталған дәрілердің кейбірі келмей қалатын болды, артынан бәрі жоғалып кетті. Сатып алайын десем, өте қымбат. Себебі, олардан бөлек басқа да дәрі-дәрмектерді сатып алуым қажет қой. Мұндай жағдайда қайда хабарласуға болады?

Гүлнәр Оразбаева
Өскемен.

Сауалға облыстық прокуратураның басқарма басшысы Рүстам Шідердинов жауап береді:


– Шындығында да тегін дәрі-дәрмек алатын тұрғындар тарапынан жылдың басында екі-үш ай көлемінде дәріханаларда қажетті дәрілер болмай қалатындығы туралы шағымдар түсті. Медицина саласының басшылары бұл жағдайды жылдың басында дәрілерді жеткізуге конкурстың өтпеуімен байланыстырады. Соған қарамастан өткен жылы облыстық прокуратурада осыған қатысты тұрғындар шағымы қаралды.
Біз аймақтың денсаулық сақтау басқармасы басшылығына мұндай жағдайды болдырмау үшін өткен жылғы келісімшартты ұзартуға болатындығын айттық. Қазіргі уақытта олар осылай істеу арқылы қалыптасқан мәселені шешіп отыр. Бүгінде дәрі-дәрмек тапшылығына қатысты мәселе шешілген.
Алайда, дәріханаларда тегін берілетін дәрілердің жетіспеушілігі байқалатын болса, тұрғындар біздің 24-54-82 сенім телефонына хабарласа алады. Қалыптасқан жағдаймен прокуратура айналысатын болады.
Мәтінде қате көрсеңіз, тінтуірмен белгілеп Ctrl+Enter пернені басыңыз
Пікір қалдырыңыз
Или водите через социальные сети
Танымал
Бүгін Апта Ай
Біз әлеуметтік желілерде