USD 311.59
EUR 349.39
RUB 5.5
РУС ҚАЗ
Соңғы жаңалықтар
Жаңалықтар

    Новостей нет

ШҚО-дағы жаңа кеніште алтынның қоры 226 тонна деген есеп бар

ШҚО-дағы жаңа кеніште алтынның қоры 226 тонна деген есеп бар

Аймақ басшысы Даниал Ахметов «Полиметалл» АҚ бас директоры Виталий Несиспен кездесті. Кездесуде компанияның Жарма ауданында атқарып жатқан жұмыстары, Қызыл кен орнын игеру жобасының жай-жапсары талқыланды.

«Полиметалл» АҚ Жарма ауданында Қызыл кенішін игеруді қолға алған. Биыл кеніш басында байыту фабрикасы салынбақ. Бұл кәсіпорын жылына 1,8 млн тонна кенді өңдейді деп күтілуде. Фабрика жанынан кеншілерге арнап вахталық кент те салынады. Ал кен қазу жұмыстары 2018 жылдың екінші жартысына жоспарланған. 2019 жылы фабрика толық қуатына еніп, жылына 11 тонна алтын концентратын өндіруі тиіс. Кәсіпорында барлығы 750 адам жұмыс істейтін болады. Мұндағы алтынның қоры 226 тонна деген есеп бар. Аршып алынған әр тонна кеннен 7,7 грамм алтын түседі деп болжанып отыр.

Кенішті әуелді ашық әдіспен игеру көзделген. «Полиметалл» АҚ бұл жерді игеруге өз тәжірибелеріне негізделген бірегей технология пайдаланбақшы. Бұл компания Ресейдегі ең үлкен күміс өндіруші кәсіпорын ретінде белгілі. Сондай-ақ, алтын өндірісінде де үздік үштікке кіреді.

Есімжан Нақтыбай
Мәтінде қате көрсеңіз, тінтуірмен белгілеп Ctrl+Enter пернені басыңыз
Пікір қалдырыңыз
Или водите через социальные сети
Танымал
Бүгін Апта Ай
Біз әлеуметтік желілерде