USD 316.56
EUR 342.14
RUB 5.52
РУС ҚАЗ
Соңғы жаңалықтар
Жаңалықтар

    Новостей нет

ШҚО-да Президенттік шыршаға 300-ге жуық бала қатысты

ШҚО-да Президенттік шыршаға 300-ге жуық бала қатысты
ШҚО-да Қазақстан Республикасы Президенті атынан өткен шыршаға 300-ге жуық бала қатысып, мерекелік әсер алып қайтты. Ертегі әлеміне сапар шеккен бүлдіршіндердің көпшілігі оқуда, мәдениет пен спортта жетістікке жеткен және әлеуметтік тұрымысы нашар, көпбалалы отбасынан шыққан, ата-анасыз қалған жасөспірімдер болды.

Шырша мерекесіне орай облыстың түкпір-түкпірінен келген кішкентай қонақтар Елбасының құттықтауын тыңдады.
– Біздің ел аз уақыттың ішінде мықты, тәуелсіз мемлекетке айналды. Біз көптеген ұрпақтардың ұлы армандарын орындадық. Әр қазақстандық Отанының гүлденуіне өз үлесін қосуда. Сіздердің оқу, спорт және шығармашылықта талай белестерді бағындырғандарыңызды білемін. Сіздердің жетістіктеріңіз биік белестерге апарар алғашқы қадам. Сіздерді шын жүректен Жаңа жыл мерекелеріңізбен құттықтаймын, – деді Нұрсұлтан Назарбаев.
Мерекелік шара соңында ғажайыптар әлеміне саяхат жасаған жас жеткіншектер Аяз ата және Ақшақармен бірге жаңа жылдық шыршаны жақты.

ҚР Президенті атынан және облыс әкімдігі атынан өткен шырша мерекесіне қатысқан оқушылардың барлығы сыйлықтарға ие болды.
Сондай-ақ, мерекеге орай қалада орналасқан мұражайларға экскурсиялар ұйымдастырылса, кинотеатрларда түрлі мультфильмдер көрсетілуде.

Желтоқсанның 23-інен бастап, облыстың барлық мектептері мен шағын орталықтары, балабақшаларында жалпы саны 34 000 баланы қамтыған мерекелік шаралар мен кештер өтуде.

ШҚО Ақпарат орталығы
Мәтінде қате көрсеңіз, тінтуірмен белгілеп Ctrl+Enter пернені басыңыз
Пікір қалдырыңыз
Или водите через социальные сети
Біз әлеуметтік желілерде