USD 314.79
EUR 337.96
RUB 5.59
РУС ҚАЗ
Соңғы жаңалықтар
Жаңалықтар

    Новостей нет

ШҚО-да денсаулық сақтау қызметтері бойынша сall-орталық іске қосылды

ШҚО-да денсаулық сақтау қызметтері бойынша  сall-орталық іске қосылды

Бұдан былай шығысқазақстандықтарға дәрігер қабылдауына үйден шықпай тіркелуге болады. Денсаулық сақтау саласында аталмыш қызмет бойынша бірыңғай сall-орталық іске қосылды. Орталық арқылы жойылған жазба орнына медико-санитарлық қызмет бойынша және балалар стоматологиялық поликлиникасы дәрігерлерінің қабылдауына жазылуға болады, деп хабарлайды ШҚО Ақпараттық орталығы.

Облыстық денсаулық сақтау басқармасына электрондық жазба арқылы әдісті қолданысқа енгізу тапсырмасын ағымдағы жылдың ақпан айында облыс әкімі Даниал Ахметов жүктеген болатын. Аймақ басшысы өңір тұрғындары алдында есептік кездесу барысында аталмыш саланың қызметін қатаң сынға алып, медициналық мекемелердегі кезекті қысқарту жұмыстарын «көнерген әдіс» қатарына жатқызған болатын.

Мәселені біржақты шешу және тұрғындарды ақпараттандыру деңгейін көтеру мақсатында сall-орталық ашылып, арнайы сайт іске қосылды. Мамандардың айтуынша, жоба тіркеу бөлімінде кезекті азайтып, уақытты да үнемдеуге мүмкіндік береді.

«Сall-орталық пен сайт арқылы үйден шықпай-ақ дәрігерлердің қабылдауына жазылуға болады. Сонымен қатар, телефон бойынша өңір халқына түсіндірме жұмыстарын жүргізуге болады», – деп хабарлайды облыстық денсаулық сақтау басқармасы.

Орталық және сайтқа ену арқылы кепілдендірілген тегін медициналық көмектің көлемі мен оның ережелері, учаскелік дәрігерлер және олардың жұмыс кестесі туралы ақпарат алуға болады.

Сайт мекен-жайы: call-centervko.kz

Сall-орталықтың нөмірі – 8 (7232) 701-131.
Мәлімет көзі: Аltaynews.kz
Мәтінде қате көрсеңіз, тінтуірмен белгілеп Ctrl+Enter пернені басыңыз
Пікір қалдырыңыз
Или водите через социальные сети
Көп оқылған
Біз әлеуметтік желілерде