USD 316.56
EUR 342.14
RUB 5.52
РУС ҚАЗ
Соңғы жаңалықтар
Жаңалықтар

    Новостей нет

Қабанбай батыр атындағы мұражай ашылды

Қабанбай батыр атындағы мұражай ашылды

Жақында Семей қаласындағы Қазақстан инновациялық университетінде Қаракерей Қабанбай батыр атындағы мұражай ашылды.

Бұл жерде өңірдің зиялы қауымы Қабанбай батыр турасында табылып жатқан тың мәліметтерді ортаға салды. Әсіресе, өз аты Ерасыл болса да, батырдың Қабанбай аталуы көпшіліктің ерекше қызығушылығын тудырды. Бұл туралы батырдың өмірін зерттеушілердің бірі Камал Абдрахманов: «Ерасыл» деп азан шақырылып қойылған есімге кейіннен жеңгелері алып денесіне орай Нарбала, жолдастары әкесіне тартқан батыр болар деген оймен Ізбасар, нағашы жұрты - Қабанбай деп атаған. 1723 жылы Түркістанда хан сайланып «Хан Батыр» атанды. Абылай ешкімге теңестірмей «Дарабоз» деп әспеттеді» дейді.

Әркім әртүрлі пікір айтқанмен, ең бастысы, қазақ халқы Қабанбайдай батырларының арқасында елін-жерін жау қолынан аман сақтап, тәуелсіздікке қол жеткізіп отырғандығын ұмытпау керек. Қабанбайдың қайда туып, қайда жерленгендігі де даулы тақырып. Батырдың жүріп өткен жолы әлі де болса жазылып, кеңінен насихаттала түседі деген үміт мол.

- Батыр туралы жырдастандар, зерттеу еңбектер өте көп. Батырдың өмірі мен ерлігі Бұхар, Ақтамберді, Үмбетей, Дулат, Тәттіқара сынды жыраулардың жырына арқау болған. Қазақстан Республикасы Ұлттық ғылым академиясының көне қолжазбалар бөлімінде Қабанбайға арналған жырлардың төрт нұсқасы, Қытай қазақтарында онға тарта нұсқасы сақталған екен. Бұл жырларды жинауға Ш.Уәлиханов, С.Торайғыров, Қ.Халидұлы, Қытайда тұратын қазақ ғалымдары З.Сәнік, Б.Садықан және тағы басқа ғалымдар көп еңбек сіңірген. Мұражайға Қабанбай батырдың портретін салғызып, төрімізге іліп қойдық, - дейді Қабанбай батыр мұражайының меңгерушісі Айдар Манабаев.

Раушан Нұғманбекова
Мәлімет көзі: Аltaynews.kz
Мәтінде қате көрсеңіз, тінтуірмен белгілеп Ctrl+Enter пернені басыңыз
Кілт сөздер: Қабанбай батыр
Пікір қалдырыңыз
Или водите через социальные сети
Көп оқылған
Біз әлеуметтік желілерде