USD 316.56
EUR 342.14
RUB 5.52
РУС ҚАЗ
Соңғы жаңалықтар
Жаңалықтар

    Новостей нет

Ауруханалар жаңартылатын болды

Ауруханалар жаңартылатын болды

Биыл Өскемен қаласында бірқатар медициналық мекемеге жөндеу жұмыстары жүргізіледі. Бірінші кезекте бұл №2 қалалық ауруханаға (бұрынғы медициналық жедел жәрдем ауруханасы) қатысты болмақ, деп хабарлайды Аltaynews.kz тілшісі.

Аталған аурухананың хирургия корпусын күрделі жөндеу үшін бюджетте 130 миллион теңгеден астам қаражат қарастырылған. Ал медицина мекемесін толық қалпына келтіру үшін шамамен 400 миллион теңгедей ақша қажет. Сол себепті құрылыс жұмыстары қаржылық мүмкіндіктерге қарай келесі жылға дейін созылады деп отыр мамандар. Күрделі жөндеу барысына кедергі келтірмеу мақсатында хирургиялық бөлімше қаладағы басқа ауруханаларға уақытша ауыстырылатын болады.

- Жалпы, №2 қалалық аурухана ғимараты түбегейлі жаңартуды қажет етеді. Өйткені, қазіргі қолданыстағы озық үлгідегі медициналық құралжабдықтарға заманауи, барлық стандарттарға сай келетін ғимарат болуы керек. Ал қабырғасы қаланғанына алпыс жылға таяп қалған аталмыш мекеме өте ескі, - дейді Шығыс Қазақстан облыстық денсаулық сақтау басқармасы басшысының орынбасары Сергей Попов.

Мәлімет көзі: Аltaynews.kz
Мәтінде қате көрсеңіз, тінтуірмен белгілеп Ctrl+Enter пернені басыңыз
Пікір қалдырыңыз
Или водите через социальные сети
Көп оқылған
Біз әлеуметтік желілерде