USD 316.56
EUR 342.14
RUB 5.52
РУС ҚАЗ
Соңғы жаңалықтар
Жаңалықтар

    Новостей нет

Өскеменде «Өніс» күні 16 бала дүниеге келді

Өскеменде «Өніс» күні 16 бала дүниеге келді

Шығыс Қазақстанда биыл Наурыз мейрамы жеті күн қатарынан тойлануы көпшілікті қуантып жатыр. Бірінші күн – «Өніс», яғни, бұл күн барлық өңірлерде аналар мен нәрестелерді құттықтауға арналды, деп хабарлайды Аltaynews.kz тілшісі.

Риддер қаласында да Наурыз мерекесі «Өніс» күнінен басталды. Осыған орай қала басшылығы мен аурухананың бас дәрігері Г.Кітапбаева перзентхана бөліміне кіріп, дүниеге келген сәбилерге «бауы берік болсын!» айтысты. Дүниеге нәресте әкелген бес анаға сыйлық пен құттықтау хат табыс етті.

Дәл осындай игі шара басқа да аудандарда өтті. Мәселен, Шемонайха ауданының әкімі Амангелді Тоқтаров өз өңірінде дүниеге сәби әкелген алты ана мен өмірге келген нәрестелерге жүрекжарды тілегін айтып, құттықтады.

Ал Өскемен қаласында «Өніс» күні 16 бала өмірге келсе, олардың оны – қыз, алтауы – ұл. Бұл – іңгәлап дүние есігін ашқан нәрестелер үшін де, сәбилі болған әр отбасы үшін де қуанышты күн Ұлыстың алғашқы күні өмірге келген сәбилердің ғұмыры ұзақ, болашақтары жарқын болғай!

Мерей Қайнарұлы
сурет: ШҚО ақпараттық орталығы
Мәлімет көзі: Аltaynews.kz
Мәтінде қате көрсеңіз, тінтуірмен белгілеп Ctrl+Enter пернені басыңыз
Кілт сөздер: наурыз мейрамы
Пікір қалдырыңыз
Или водите через социальные сети
Көп оқылған
Біз әлеуметтік желілерде