USD 315.55
EUR 338.93
RUB 5.53
РУС ҚАЗ
Соңғы жаңалықтар
Жаңалықтар

    Новостей нет

Сочи Олимпиадасына қатысушы Галина Вишневскаяға студенттер жеңіс тіледі

Сочи Олимпиадасына қатысушы Галина Вишневскаяға студенттер жеңіс тіледі

Міне, көптен күткен, бүкіл әлем елдері көз тіккен «Сочи-2014» 22-ші Олимпиада ойындарының ашылуы санаулы сағаттан соң салтанатты түрде өтеді. Байрақты бәсекеде бақ сынап, ел намысын қорғайтын спортшыларға жанкүйерлер қолдан келгенше қолдау көрсетуде, деп хабарлайды Аltaynews.kz тілшісі.

Бүгін Семей қаласының Шәкәрім атындағы мемлекеттік университетінің оқытушылары мен студенттері жерлес олимпиадашыларымызға, оның ішінде биатлоннан сынға түсетін университетіміздің 2-ші курс студенті Галина Вишневскаяға жеңіс тілеп, Семейдің Ертіс жағалауы бойына жиналды. Университет факультеттерінен құралған командалар қысқы спорттың бірнеше түрлері бойынша жарысты.

Сочи Олимпиадасына қатысушы Галина Вишневскаяға студенттер жеңіс тіледі

«Біз өткізілген бұл шара арқылы қазақстандық олимпиадашыларды қолдап, оларға рухани демеу боламыз. Әрине, біздің елдің спортшылары осал емес. Солардың бірі – Шәкәрім университетінің студенті Галина Вишневская. Біздің университеттің ұжымы тақымдарын қысып, Галина үшін жанкүйер болады. Жас та болса, біз Галинаға зор үміт артып отырмыз»,-дейді денешынықтыру және спорт әдістемелік теориясы кафедрасының меңгерушісі Борис Прохоров.

Биатлоншы Галина Вишневская – биатлоннан өткен әлем додасының 2012 жылғы күміс жүлдегері. Айта кетейік, бірер күннен кейін ол 20 жасқа толады. Жастағына қарамастан сан мәрте Олимп шыңын бағындыратындығын дәлелдеді. Біз де жас спортшы Галинаның биік белеске жететініне кәміл сенеміз.

Жібек Сеғазы
сурет автордікі
Мәлімет көзі: Аltaynews.kz
Мәтінде қате көрсеңіз, тінтуірмен белгілеп Ctrl+Enter пернені басыңыз
Пікір қалдырыңыз
Или водите через социальные сети
Көп оқылған
Біз әлеуметтік желілерде